上回 ：沈ＳＥＡＳＯＮ終於第一天正式上"戰場"了! 跟上一位Senior"阿姐"和ＢＡＲＢＩＥ來到客戶office，並遇上
擔任另一個team工作的ＪＯＨＮＮＹ和輝........
阿姐：本地firm 做d 野麻麻地，有時唔多正統．．．最衰無晒初級人喇．．唔係我會搵我熟手既．．．
ＳＥＡＳＯＮ：唔緊要．．．我會好快上手．．．
阿姐：下．．．唔係架．．你唔好旨意慢慢上手呀．．我自己都忙死呀
ＳＥＡＳＯＮ：．．．係既．．．
阿姐：好．．．．我講下呢個case．．．．
於是便將客戶公司的背景約略地講了一下．．．
阿姐：拿．．你要有心理準備，呢個case涉及既公司好多，每年又要O係短時間內完成出Report，就算傾盡人力去做，每年都做到我地有氣無"訂"透．．．
今年老闆仲想push早少少交"貨"．．．well, 今晚可能你要開始習慣了
ＳＥＡＳＯＮ：呀．．．係牙．．我明既．．無問題
阿姐：好！講下分工．．我地呢個team要做起上市公司旗下20間既公司核數! 妳同
ＢＡＲＢＩＥ一齊負責做其中15間, 我就會做其餘5間．．．
ＳＥＡＳＯＮ（聽到即時感愕然）：下! 15間?! 我之前舊公司一般都係一間間咁做核數，一間都起碼做一個星期．．．
阿姐：所以話你地本地firm出頭既人 "手勢唔好"就係咁解喇，我地大公司做野梗係唔同你地架喇．．．
仲有，放心，你地做果15間公司都係一般非常簡單無乜運作既公司，我果5間係有好多數同複雜既．．
你地用呢個approach．．．一次過做15間既數，可以睇番上年點樣做．．．
ＳＥＡＳＯＮ：呀，公司training好似無教過點樣用咁既方法做working．．．
阿姐：哈．．training都好信?! 我次次上堂都係當休息咋，拿，照跟上年咁做就得，唔明就問下ＢＡＲＢＩＥ．．．
我將會好忙．．．未必得閒教到妳．．．ＢＡＲＢＩＥ，妳陣間帶埋ＳＥＡＳＯＮ一齊去搵client, 搵負責呢15間公司果兩個accountant喇
ＢＡＲＢＩＥ：係，阿姐
於是ＳＥＡＳＯＮ跟ＢＡＲＢＩＥ上client的會計部，．．．
ＢＡＲＢＩＥ：喂，有兩個accountant，一個問一個喇，妳拿住呢個list問果個accountant
ＳＥＡＳＯＮ：但．．．我唔識佢喎．．
ＢＡＲＢＩＥ：怕乜丫．．．你話係會計師行就得喇
走到其中一個負責的accountant位子
ＳＥＡＳＯＮ：你好！我係 萬豪會計的，你應該是負責呢５間公司既數吧？
：．．．唔知今年呢幾間公司盤數有未呢？
會計佬１：嘩，姐姐，我呢排好忙喎．．我上司就黎逼到我死喇．．邊得閒攪你地d 野．．．
ＳＥＡＳＯＮ：．．．呀．．唔該你丫．．我地要趕住．．．
會計佬１：喂！唔好阻住我．．．．遲d 我先搵你喇！
ＳＥＡＳＯＮ：．．．唔好意思
另一邊----
ＢＡＲＢＩＥ：靚仔哥哥，今年我地又來煩住你地喇．．．
會計佬２：喂．．你好！
ＢＡＲＢＩＥ：．．之前有冇去旅行？
會計佬２：忙到就黎死．．．邊得閒去丫
ＢＡＲＢＩＥ：．係呢唔知．．今年呢10間公司盤數有未呢？
會計佬２：我都想幫你架．．．我呢排真係好忙．．．遲幾日先整到．．．．．．
ＢＡＲＢＩＥ：．．．耶～．．（手輕拉著會計佬）．．黎喇．．．經理今年set 得個deadline好緊啊．．
幫幫手丫．．．唔係我地唔知點交貨．．．．
會計佬２：．．．．唔．．．咁．．好喇．．見係妳．．我今晚做夜d OT睇下整整度喇．．．
ＢＡＲＢＩＥ：．．．．唔該晒喎．．我聽日再搵你喇
之後．．．
ＢＡＲＢＩＥ：ＳＥＡＳＯＮ，攪掂未？
ＳＥＡＳＯＮ：呀．．．個client幾惡．．．佢話唔得閒俾唔到野我地
ＢＡＲＢＩＥ：妳要小心d．．．唔好得罪d 客．．．
ＳＥＡＳＯＮ：．．．唔係喎．．我好客氣的問．．．
ＢＡＲＢＩＥ：我地返去先
回來後．．．．
阿姐：下？．．．仲未有數？！
ＢＡＲＢＩＥ：．．個client應承聽日應該會俾到．．．
阿姐：我唔理丫．．唔理你地點lum個客，逼個客好．．學女魔頭話："我只在乎個結果，過程我唔mind既"
ＳＥＡＳＯＮ：．．．但係．．個客俾唔到．．．我地都無辦法喎
阿姐：我唔理丫．．．總之經理下令今個星期要攪掂第一輪工作．．．
睇黎今晚都要開定工．．．．唔夠10點都唔好走．．．
ＳＥＡＳＯＮ：下．．．未有數．．．我地宜家可以做乜？
阿姐：．．大把野做呀．．．開定今年個新file．．．跟上年既working做住先喇．．
仲有．．．陣間幫我做定d vouching work(核查單據工作)
ＳＥＡＳＯＮ及ＢＡＲＢＩＥ： 是．．．．
ＳＥＡＳＯＮ想不到上市公司的核數工作．．和她在舊公司做的方法真的很大不同．．
而且．．．涉及的規模之大．．但時間限期竟然是短短時間內要完成．．
其做事的方式在公司training都幾乎完全沒有提及．．．
轉眼又到了午餐時間－－－
ＳＥＡＳＯＮ心想應該會和自己team人出外吃飯，怎料．．
阿姐：我約左另一個附近工作的friend，我不陪你們吃飯了
ＢＡＲＢＩＥ：我都會自己friend食架喇．．．ＳＥＡＳＯＮ妳自己去食飯．．
ＳＥＡＳＯＮ：．．．咁．．好的
另一邊：
ＪＯＨＮＮＹ：好，今日第一天辛勞，我請大家一team人食個好d 既lunch
輝：好野！我幾時都話係ＪＯＨＮＮＹ哥係最好既ＳＥＮＩＯＲ．．．
ＪＯＨＮＮＹ：你個臭口輝．．一有著數就咁好口．．行喇
他們一TEAM人興高采烈地準備走之際，在同一工作地點見呢一邊的ＳＥＡＳＯＮ．．．
ＪＯＨＮＮＹ：咦！？ＳＥＡＳＯＮ？你唔係同你個team既同事食飯咩？得妳一個人？
ＳＥＡＳＯＮ：．．．呀．．無．．佢地都約左人．．我或者諗住買件三文治算了
ＪＯＨＮＮＹ：．第一日就捱三文治．．遲d有排你忙．．不如同我地一齊食喇．．
ＳＥＡＳＯＮ：咁．．．唔係幾好吧？我唔係你地個team．．．
ＪＯＨＮＮＹ：怕乜丫．．．食飯姐．．．我再介紹我個team既人妳識喇．．行喇．．
ＳＥＡＳＯＮ：好
＊＊＊＊欲知故事發展，請看下回
預告：ＳＥＡＳＯＮ首次工作好像不太順利．．而且預計可能要長長的ＯＴ！
第一晚的工作，阿姐會如何對待ＳＥＡＳＯＮ呢．．．．
ＪＯＨＮＮＹ和ＳＥＡＳＯＮ又會如何發展呢
稍後情節將會更精彩！
－－待續
****本故事純屬虛構，並無影射任何人物，公司，行業及其從業員 ********
