上回 ：ＳＥＡＳＯＮ首次工作被Senior阿姐言語少看，客戶又不太合作．．而且預計可能要長長的ＯＴ！
食飯時候，一team人竟然各自分開，反而ＪＯＨＮＮＹ和輝另一team人叫她一起食飯去..
ＳＥＡＳＯＮ和ＪＯＨＮＮＹ等人去到一家酒家坐．．．
ＪＯＨＮＮＹ：等我來介紹，呢個輝，呢個係．．．．（ＪＯＨＮＮＹ逐一向ＳＥＡＳＯＮ介紹自己team的同事）
ＳＥＡＳＯＮ：你地好！
ＪＯＨＮＮＹ：ＳＥＡＳＯＮ係新人，原本佢係interview我地ＣＨＡＲＬＥＳ果個group．．．
不過唔知點解入左ＱＵＥＥＮＩＥ果個group
ＳＥＡＳＯＮ：唔知好彩定唔好彩喇．．．
輝：係囉．．．有人應該好想你入我地個team．．．
ＪＯＨＮＮＹ：輝哥．．．你口渴．．入啖茶先．．．
輝：．．．唔．．．
ＳＥＡＳＯＮ：我其實又無乜所謂，當然ＣＨＡＲＬＥＳ份人係和善d, 但ＱＵＥＥＮＩＥ份人都無乜野
ＪＯＨＮＮＹ：佢地未"現形"姐，呢家岩岩先開始．．．
ＳＥＡＳＯＮ：係？．．．不過你地team人好似融洽些．．．
輝：梗係喇～我地阿head ＣＨＡＲＬＥＳ係實幹型，對D 同事又體諒．．
我地group既人都係為左 "要做好呢份工"，相反，ＱＵＥＥＮＩＥ個group既人就個個想上位．．．
ＳＥＡＳＯＮ：嘩．．咁嚴重．．．咁咪好多辦公室政治？
輝：係定喇！我都聽唔少呢d 野．．仲有，有d仲．．．
ＪＯＨＮＮＹ：輝哥．．你又口渴．．入啖茶先．．．
輝：．．．我唔渴．．．．
ＪＯＨＮＮＹ：你再講到咁誇張，真係嚇壞人地喇．．．人地今日第一日做job咋．．
況且，都好睇人既．．唔係個個係咁．．．ＳＥＡＳＯＮ，唔怕喎，努力做就得架喇．．．
有乜唔明都可以問下我既．．．我地工作地方咁近．．．
ＳＥＡＳＯＮ：多謝你先．．無錯，我要努力．．因為做大會計行係我一直既理想．．．
吃完午飯後，各人又回到自己的工作崗位．．．
ＳＥＡＳＯＮ等人回來時，阿姐已經吃過飯回來．．
阿姐：ＳＥＡＳＯＮ，我揀左d transaction(交易)做sample test(抽樣核查)，現在給你，你幫我做vouching work(核查單據工作)
ＳＥＡＳＯＮ：．．．呀．．．阿姐．．我第一次做呢個case．．唔係太知點睇個reference number去check單...
．．．可唔可以簡單講下．．．
阿姐：呢d野．．叫ＢＡＲＢＩＥ教你丫～
之後ＳＥＡＳＯＮ便嘗試問一問ＢＡＲＢＩＥ，想知道客戶的單據的filing系統．．．
ＢＡＲＢＩＥ：．．呀．．唔知點講俾你知．．．呀我都唔係太記得，一年前做過．．．
不如你直接問個客喇～
ＳＥＡＳＯＮ：．．．呀．．咁．．．．
ＢＡＲＢＩＥ：唔緊要喇，d 客好nice既，我仲有野跟，唔同你講住．．．
於是ＳＥＡＳＯＮ自己走到客戶的office．．．
會計佬２：喂，姐姐仔，我幫緊妳個ＢＡＲＢＩＥ姐趕緊份野．．妳宜家又來煩住我，．．
我好難集中精神趕得切架喎．．．
ＳＥＡＳＯＮ：．．．呀．．．唔好意思．．．但係我都想知，你地既filing係點，我先可以查到d單....
會計佬２：拿．．話妳知．．．．
妳去前面左手邊果個房．．．係filing 房，有一排係呢幾間公司既單，自己搵下就知點file架喇~
ＳＥＡＳＯＮ：．．咁．．好喇～
結果，ＳＥＡＳＯＮ入了filing房，唯有靠自己摸索一番之下，終於找到想要的單據．．．
回來後，
阿姐：乜搵果幾張單都咁耐．．．．
ＳＥＡＳＯＮ：呀．．係因為個客好忙，我都係自己去搵．．．
阿姐：得喇．．妳今晚要整好晒呢堆working．．．．妳預左今晚要OT架喇？
ＳＥＡＳＯＮ：係既．．我無問題既．．．
ＳＥＡＳＯＮ致電回母親－－－
ＳＥＡＳＯＮ：媽，我今晚要加班．．我睇唔會返來吃晚飯．．．
ＳＥＡＳＯＮ母：咦．．你之前日日好準時收工？．．．咁．．留返d湯俾妳丫～．．．
ＳＥＡＳＯＮ：好．．
時間飛逝，ＳＥＡＳＯＮ一team人已工作至晚上，各人只幹脆叫了些外賣飯又繼續工作．．．
工作至９時許－－－
阿姐：我要返回上環公司做之前case既follow up，我要走先，你地做埋呢d 野就自己走
ＢＡＲＢＩＥ：好既，阿姐
阿姐走左，各人再工作了一段時間－－－
ＢＡＲＢＩＥ：ＳＥＡＳＯＮ攪掂未，一齊走？
ＳＥＡＳＯＮ：．．．我仲有少許完成．．不如妳走先．．．
ＢＡＲＢＩＥ：怕乜丫．．．聽日繼續囉
ＳＥＡＳＯＮ：但阿姐好似想我今日要完成晒呢PART．．．
ＢＡＲＢＩＥ：咁．．你自便喇，再見
這時，ＳＥＡＳＯＮ已差不多完成手上的工作，正要儲存擋案之前．．．
大穫！．．．電腦瑩幕好像突然停頓了一樣．．．
ＳＥＡＳＯＮ心裡一寒．．．剛剛辛苦了數小時的工作．．．想起原來好像未有儲檔．．
如是者．．．數小時的心血可能會化為烏有！！！
ＳＥＡＳＯＮ：呀．．．死．．．如果無左，今晚通霄都唔掂了．．．．
點算呢．．．．又找不到阿姐和ＢＡＲＢＩＥ．．．．
＊＊＊＊欲知故事發展，請看下回
預告：ＳＥＡＳＯＮ經歷第一晚的ＯＴ！好像有點孤立無門似的．．．
只是風浪的開端．．．．！
稍後情節進展會加快，並將會更精彩！
－－待續
****本故事純屬虛構，並無影射任何人物，公司，行業及其從業員 ********
