上回 ：ＳＥＡＳＯＮ經歷第一晚的ＯＴ！剛剛辛苦了數小時的工作，電腦瑩幕好像突然停頓了，慘了，如果真的儲檔不下，ＳＥＡＳＯＮ數小時的心血可能會化為烏有！！！
ＳＥＡＳＯＮ：呀．．．死．．．如果無左，今晚通霄都唔掂了．．．．
點算呢．．．．又找不到阿姐和ＢＡＲＢＩＥ．．．．
這時，ＪＯＨＮＮＹ和輝等人的team吃過夜飯回來了．．．．．
ＳＥＡＳＯＮ：呀．．．死喇．．．．
ＪＯＨＮＮＹ：．．．咦？ＳＥＡＳＯＮ仲未走咩？．．．做乜咁旁惶呀？
ＳＥＡＳＯＮ：個working 做做下．．．．突然hang左．．．．又找不到阿姐和
ＢＡＲＢＩＥ．．．．唉．．．．我都係熄左機重新來過好了．．．
ＪＯＨＮＮＹ：呀！千祈唔好住！！．．．成個專家o係度，等我睇睇先．．．．．
ＳＥＡＳＯＮ：係喎．．我真係ＯＴ到失魂了．．唔記得你呢個咁有經驗ＳＥＮＩＯＲo係度．．．．
ＪＯＨＮＮＹ：．．．唔．．．．咦？．．好在．．．妳仲未close個file．．．
唉．．．．我地公司呢個software 係咁．．．有陣時神神地
ＳＥＡＳＯＮ：．．．．咁．．．有冇得救先？．．．
ＪＯＨＮＮＹ：妳好彩．．．我之前試過都係同樣情況．．．應該係個software hang住左樣野．．．只要開番個task list．．
close左呢個就唔會即刻無左d 資料．．．．睇下．．．ok了
ＳＥＡＳＯＮ：．啊！！真係太好了．．．．．ＪＯＨＮＮＹ真係唔該晒你！．．．如果唔係我今晚通頂都唔知點．．．．．．
時至深夜二時許．．．各人ＯＴ了那麼久，都準備離去．．．
ＳＥＡＳＯＮ：．．．呼．．．我返工以來第一次放工時連地鐵都無得坐．．．
輝：今天只係開端了吧．．戲玉都未來．．
ＳＥＡＳＯＮ：o下．．．你地試過夜晚幾點收工？．．．．．
輝：應該．．唔係用夜晚來形容了．．．．我去左買早餐．．．返黎繼續做．．．．
ＳＥＡＳＯＮ：．．．．．
ＪＯＨＮＮＹ：輝．．．．．人地第一日出job咋．．．唔好嚇親人喇．．．
應該唔會既．．．．ＳＥＡＳＯＮ，妳都算係新人，係都我地呢d 老鬼攪掂d 野喇．．．
輝：喂，我走先，我去搭通霄巴士，ｂｙｅ！
ＪＯＨＮＮＹ：．．．唔．．ＳＥＡＳＯＮ我送妳返屋企？
ＳＥＡＳＯＮ：我搭的士好了
ＪＯＨＮＮＹ：果邊截的士會容易些，我帶妳過去果邊．．．
一路上兩人繼續交談．．．
ＳＥＡＳＯＮ：你在ＭＡＣ工作了多久？
ＪＯＨＮＮＹ：我一畢業就入來這裡工作，已三年了，因為表現好，曾fast track(比正常年期快一步升職)過一次
ＳＥＡＳＯＮ：嘩 你好勁喎．．．輝同你好熟架？
ＪＯＨＮＮＹ：輝，其實係同我同期架，我地一齊training，大家死黨咁，不過佢做野唔認真，把口又衰，得罪左人都唔知，
咪人地升晒佢都無得升囉，．．．不過，我相信，o係呢度工作有實力一定會有人賞識的，我要為黎緊果年升經理而奮鬥！
ＳＥＡＳＯＮ：你咁有實力，一定無問題的！我仲要慢慢學
ＪＯＨＮＮＹ：唔識咪多d 問．．．呢度．．係咁架，無乜人會肯主動教你野．．．咦
到了！妳記得叫的士司機拿收據喎，可以claim番錢．．．
ＳＥＡＳＯＮ：好！唔該晒！再見！
ＪＯＨＮＮＹ：晚安！
回到了家，ＳＥＡＳＯＮ母親原來已等到合睡了．．．還留了湯．．．
ＳＥＡＳＯＮ：媽，你去睡吧．．．
ＳＥＡＳＯＮ母：咁夜既？．．妳平時好早收工喎．．．
ＳＥＡＳＯＮ：係啊．．現在開始唔同了．．．要出去做野．．．
ＳＥＡＳＯＮ母：咁．．一兩日ＯＴ都無問題既．．．
ＳＥＡＳＯＮ：．．．．．
如是者，時間一轉，ＳＥＡＳＯＮ等一team人已出job工作了幾天，ＯＴ了幾晚．．．
果然，ＢＡＲＢＩＥ之前嗲了幾嗲的那個會計佬，很快便提供了資料，．．．
另一個會計佬，即ＳＥＡＳＯＮ所需的部份，則遲了幾天才提供到．．．
阿姐：我晚些又要返回上環公司做之前case既follow up，妳地攪成點？
ＢＡＲＢＩＥ：阿姐，我的部份已差不多了！
阿姐：ＳＥＡＳＯＮ呢？點解咁慢架？
ＳＥＡＳＯＮ：．．．．．我今天才收到client的資料，．．．．之前又幫了妳和
ＢＡＲＢＩＥ姐．．．
阿姐：我唔理係client拖定係點丫，拿．．．ＱＵＥＥＮＩＥ姐已經set左今個星期deadline．．．
我已經分好左工，你地同我攪掂佢喇．．．．
ＳＥＡＳＯＮ：．．．．．但係我地呢幾排已很盡力ＯＴ了．．而且我今天才收到client的資料，要時間做的．．．
阿姐：我教你．．．．．呢個transaction test(交易查核)，抽晒d sample(抽樣)，叫個客．．．幫妳填番d 資料落去working．．．
ＳＥＡＳＯＮ：o下！！．．咁，好似唔係幾好．．．即係叫個客幫我做？．而且，我地係核數師．．
應該係我地獨立去查單．．．唔可以叫佢地做．．．
阿姐：ＳＥＡＳＯＮ呀．．．妳唔好仲用local firm果套吧！我地要meet deadline，唔可以慢慢拖．．
仲要識轉彎，只要完成到，只係叫個客幫手，有乜問題？
ＳＥＡＳＯＮ：．．咁．．．
阿姐：妳聽朝嗲下個客咪得囉．．．我要走先，你地今晚做埋d 野就自己走喇！
ＳＥＡＳＯＮ：．．．．．(苦惱)．．．
＊＊＊＊欲知故事發展，請看下回
預告：ＳＥＡＳＯＮ風浪出現了！第一晚雖然有ＪＯＨＮＮＹ幫助，但始終同Team的都是不好惹的人．．．
火藥味開始來了，．．如果你是ＳＥＡＳＯＮ又會會做一項有少許違反原則但又可以免人責難的事呢？
下回ＱＵＥＥＮＩＥ 一Team將起爭執
稍後情節進展會加快，並將會更精彩！
－－待續
****本故事純屬虛構，並無影射任何人物，公司，行業及其從業員 ********
